BINASA rin ni Kaiden ang mensahe ni Anjo. “You opened it?” tanong nito kay Rain.
“Uh, yes. Baka importante,” tugon niya.
“Pinamanmanan ko si Dion kay Anjo. Gusto kong matiyak na walang binabalak na masama si Dion laban sa ‘yo.”
Against siya sa ginagawa ni Kaiden. Natatakot siya baka mahuli ni Dion si Anjo at magkabistuhan.
“Hindi mo na kailangang gawin ‘yan, Kai,” aniya.
“Why not?”
“Madaling makuha sa pera si Anjo. Hindi natin alam kung hanggang kailan siya magiging loyal sa ‘yo.”
Ngumisi si Kaiden. “Mas may tiwala ako kay Anjo kaysa agent ng mama mo, Rain. Kung pera lang naman ang labanan, I’m willing to spend millions for our safety.”
Hindi siya nagkomento. Naisip din niya ang mga payo ni Famela. Tama ito na dapat ay ayusin niya muna ang problema sa boyfriend niya at ina bago pan
