OBLIGADONG bumalik sa trabaho si Rain dahil inaapura ng director ang eksena niya. Mauuna siyang mawawala sa set dahil sa character niyang mamamatay. Tatlong eksena na lang ang kukuhaan sa kaniya, pagtapos ay magpapaalam na siya. Animo sinadya iyon ng pagkakataon.
Linggo ng umaga ay huling taping para sa eksena niya. Sa Batangas ang venue nila, sa mismong resort kung saan din ang pictorial at taping para sa commercial ng underwear ng Demir.
Nirentahan ng production ang buong villa house ng resort, malapit sa beach. Mula sa hardin ng villa ay natatanaw ang mga modelo. Magkasama sina Dion at Kaiden sa iisang endorsement. Nagpasiklaban ng kakisigan ang mga ito habang suot ang brand ng underwear. Nakabukod ang mga ito sa mga babae.
Katatapos lang ng taping nila at saktong nahilo siya, nagsuk
