ANG bilis kumalat ng balita tungkol sa proposal ni Dion. Umalma na ang fans nila at nagpahayag ng kani-kanilang komento. Hindi puwedeng magtagal ang isyu na walang nagpapaliwanag sa kanila ni Dion.
Pagkatapos ng taping niya para sa movie ay tinawagan niya si Dion at nag-set ng lunch meeting. Kaso hindi ito availabale dahil naghahanda para sa fashion show. Naisip tuloy niya na baka sinasadya ni Dion na mag-viral ang proposal nito, to win fans’s sympathy.
Pinatawag tuloy siya ng kaniyang manager at nagkita sila sa opisina nito sa AGC network building. Inaasahan na niyang aalma ito.
“Ano ba ang problema ninyo ni Dion, Rain? Kayo ang sumisira sa career n’yo, eh,” dismayadong sabi ni Clarice.
“Si Dion po ang problema,” aniya.
“Paanong si Dion? Okay na ang isyu niya kay Sylvia, kay Cathy,
