“ANO ang sinabi mo sa mga babae?” tanong ni Rain kay Kaiden.
Nakarating na sila sa rest house at dumiretso sa swimming pool na pinuno ni Kaiden ng tubig. Doon naman sila lumangoy. Malilim doon dahil sa mayayabong na punung-kahoy.
“Tinanong nila ako kung ikaw ba si Rain. Siyempre sinabi kong hindi,” ani Kaiden. Hanggang baywang lang nito ang tubig.
“Nakilala ka ba nila?” aniya.
“Hindi. Naitago ko na ang mukha ko bago pa nila makilala. Namilit pa ‘yong isang babae na ikaw si Rain. I said, you’re my wife, and they stopped asking.”
“Naniwala naman kaya sila?”
“I don’t know. Bahala na sila.” Lumangoy ito palayo sa kaniya.
Nagpalutang naman siya sa tubig. Naisip niya, dahil sa trending proposal ni Dion, lalong dumami ang nakakilala sa kaniya. Ang daming nakiusyoso at biglang lumubo ang fo
