DUX
NATIGILAN ako sa pagpasok sa classroom ni Catriona nang makita ang pamilyar na pigura ng babaeng nakatalikod at nagsusulat sa blackboard. Hindi ako maaaring magkamali. Kahit nakatalikod, alam na alam ko na siya ang teacher na tumulong kay Catriona sa banyo kanina.
Siya kaya ang kapatid at reliever ni Mrs. Castro?
“Dad, let’s go!” Hinila na ako ng aking anak papasok sa loob ng classroom. “Good morning po, teacher!” bati niya sa nakatalikod na guro na agad namang itinigil ang ginagawa at humarap sa amin. Kitang-kita ko ang pagkamangha sa mukha ni Catriona nang makilala niya ito. “Wow! Kayo po ang papalit muna kay Mrs. Castro?” magalang na usisa niya rito, sabay bitaw sa kamay ko at lumapit dito.
Sa unang pagkikita pa lang nila kanina, ramdam ko na agad ang pagkagiliw nila sa isa’t is
