BLESSY
“JUSCOLORED! Baka hindi na ako makauwi nito nang buhay sa Bulacan, Blessy,” bulong sa akin ni Banjie pagkatapos naming kumain ng dinner sa Ramona’s Mansion, kung saan ay kasama namin ang halos buong angkan ng mga Monreal at mga kaibigan ng mag ito na parang tunay na pamilya na kung ituring, tulad na lang ng pamilya nina Makisig.
Dito na nila dinala ang aming pamilya dahil iyon daw ang nakagawian ng angkan sa tuwing nagkakaroon ng handaan o kaya ay mahahalagang bisita. Ang mansiyon daw na ito ang nagsisilbing meeting place ng buong pamilya kapag nandito nagtitipon-tipon. Pamilya nina Tito Kieran at Tita Reza ang nakatira dito. Isa raw kasi ang bahay na ito sa pinakamahalagang pamana ng yumaong matanda na si Lola Mildred. Sa pamamagitan daw niyon ay para na rin nilang ginugunita ang
