DUX
“MAYOR DUX for governor! Mayor Dux for governor!”
Parang gusto kong maluha dahil sa napakainit na suporta sa akin ng mga tao para sa pagtakbo ko sa mas mataas na posisyon ngayong election. Hindi lang buong San Victores ang nagpapakita ng kagustuhan na ako ang gusto nilang sunod na maging gobernadora ng buong Bulacan kundi halos lahat ng tao sa probinsiyang ito. Hindi ko sila personal na kakilala, o kahit kababayan man lang. Pero kung isigaw nila ang pangalan ko, parang alam na alam na nila kung ano ang magagandang hangarin ko sa buong Bulacan na talagang isinasapuso ko at hindi basta ipinapangako lang sa ngalan ng kampanya.
Sumilay ang ngiti sa aking mga labi nang tumingala ako sa langit na napakaaliwalas. Parang pakiramdam ko, mula sa mapuputing ulap na iyon ay nakasilip si Daddy
