DUX
“GANO’N ba talaga kasama ang tingin mo sa akin, Daxton?” puno ng lungkot na tanong niya sa akin habang ang kaniyang mga mata ay parang paiyak na. “Naniniwala ka ba talaga na ako ang gumugulo sa pamilya mo?”
Hindi ko alam kung ano ang isasagot ko kay Teacher Maureen nang direktang itanong niya ang mga iyon sa akin. Bukod sa wala pa naman akong hawak na matibay na ebidensiya na talagang siya ang gustong manakit sa pamilya ko, wala talaga sa hitsura niya ang kayang manakit.
Pero kung hindi siya ang gumagawa no’n, sino pa ang puwede kong pagbintangan kung anak nga siya ng psychopathic killer na napatay noon ni Daddy? May iba pa mang magkaka-interes na guluhin kami?
At higit sa lahat, paano nalaman ni Teacher Maureen ang tungkol doon kung wala siyang kinalaman?
“Daxton, please tell me
