BLESSY
AGAD kong iginala ang aking paningin sa paligid nang magising ako. Ngunit bago ko pa man maalala kung nasaan ako, isang mabining halik sa pisngi ko ang tuluyang gumising sa diwa ko.
“Babe…” mahinang sambit ko nang mapaharap ako sa kaniyang mukha. Pero mabilis ding bumalik sa pagkakatikom ang aking bibig nang selyuhan niya ito ng mainit na halik. Napangiti na lang ako nang pareho kaming hiningal matapos kong tumugon nang may kaparehong intensidad.
“I love you, Blessy…” Agad naman niya akong niyakap nang mahigpit. Sorbrang higpit. Iyong tipo na halos hindi na ako makahinga. “And I miss you so… bad.” Bahagya siyang lumayo sa akin para titigan ako nang matiim. “I was really thinking na bumalik na lang sa Cebu at baliin ang punishment mo sa’kin. But I also respect you as my wife. Nag
