DUX
“PARE, may tama ka!” nag-aalalang sigaw ni Izaak nang makita niya ang duguang braso ko. “Mauna ka na sa sasakyan. Ako na ang bahala dito!”
“Hindi puwedeng makatakas pa si Dr. Frisco, pare! Babalikan ko lang siya sa itaas!” giit ko habang nagre-reload ng bala sa forty-five-caliber gun ko.
“Huwag na—”
Pero hindi ko na siya pakinggan. Sa kabila ng sugat sa braso ko, umakyat pa uli ako sa second-floor para balikan si Dr. Frisco bago pa man siya makatakas. At saka isa pa, daplis lang naman ito.
Narinig ko na tinatawag ako ni Izaak, kasabay ng walang tigil na putukan sa ibaba. Hindi pa kasi niya napapatumba ang isang kalaban kaya patuloy pa ang palitan nila ng bala.
Samantalang tumakbo naman ako patungo sa sili ng doctor habang nakatutok sa daraanan ko ang dulo ng aking baril. Hindi na
