DUX
“KUMUSTA na po kayo diyan, Mommy? Siguro sobrang saya mo na kasi tuluyan na kayong nakalaya sa kalupitan ng mundo. Miss na miss ko na po kayo. Ata hanggang ngayon, nasasaktan pa rin ako dahil namatay ka na hindi man lang kita nayakap uli. Gusto ko pong magalit o kahit magtampo sa inyo dahil hindi man lang kayo nagpakita sa’kin noong bumalik na ang alaala mo. Kahit sana niyakap mo man lang ako.”
Napahinto ako mula sa paglalakad papunta sana sa puntod ni Imelda nang makita ko ang isang pamilyar na pigura ng babae at boses na pamilyayr din sa akin. Kumunot ang noo ko. Hindi ako maaaring magkamali. Si Teacher Maureen ang nakatalikod na iyon.
Nakalabas na pala siya.
Limang taon na rin nang huli kaming magkita. At iyon ay nang samahan namin siya ni Blessy sa mental institution pagkatapos
