Raina
"Sa pangalawang pagkakataon ay muli akong dinala sa lugar na ito ng pag-ibig ko. Pag-ibig para sa pangalawang pagkakataon, sa pangalawang babaeng dumating sa buhay ko. Pangalawa ngunit hanggang huli..."
Naantig ng husto ang puso ko habang nakatitig sa kanya at nakikinig sa mga salita niya. Kasalukuyan na nga kami ngayong naririto sa harapan ng buong pamilya namin at sa harapan ng Diyos para sa pag-iisang dibdib naming dalawa ni Cielo. Suot ang magagarang gown na ito, na sa hinagap ko ay hindi ko akalaing isusuot ko ngayong taong ito, sa edad kong ito.
"Before I met you, my life was a puzzle with a missing piece. Tumapak ako sa unang pagkakataon sa lugar na ito para namnamin ang sakit sa puso ko, ngunit hindi ko akalaing sa lugar ding ito pala mahahanap ko ang babaeng ang siyang hi
