SIMULA
Kakauwi lang ni Daxon mula sa bar kung saan sila nagkita-kita ng mga kaibigan. Dama na niya ang labis na pagod mula sa maghapong trabaho sa opisina. Masakit ang balikat at likod dahil buong araw lang yata siyang nakaupo sa swivel chair habang nagbabasa at pumipirma ng mga dokumento.
Wala na sana siyang planong makipagkita sa kanila, pero naisip niya na ang mga ito na lang ang pahinga niya. His friends have always been his comfort in his chaotic world. Pero tingin niya’y maging ang mga kaibigan niya ay mawawala na sa kanya, lalo na’t may mga pamilya na ang iba at ang iba naman ay nakatagpo na ng makakatuwang sa buhay.
He will be left alone—again.
Pero wala naman siyang sama ng loob sa mga kaibigan. They’re bound to have families after all. Siya lang naman itong walang planong ma
