36 – Quality Time
Arabella’s Point of View
“Bakit ka nakasimangot?” kunot-noong tanong sa akin ni Uncle Damian habang naghihintay akong matapos silang ihanda ang speedboat na gagamitin namin sa paglilibot sa isla at mga karatig na isla.
“Dahil sa ‘yo,” inis kong sabi bago inayos ang suot kong sunglasses.
“Sa akin?” tila walang ideya niyang tugon. “What did I do?” inosenteng tanong niya kaya mas lalo akong nainis.
Naikuyom ko na lang ang kamay ko dahil hindi ko magawang sumigaw dahil kasama namin sina Spade at Club at iba pang staff ng resort. At isa pa, hindi ko rin pwedeng sabihin ang dahilan ng inis ko dahil masyado ‘yong pribado.
“Wala,” sabi ko na lang at inirapan siya. “Bilisan n’yo na lang diyan at tumitirik na ang araw.”
Ngumisi lang siya sa akin bago siya tumango at bumalik
