Chapter 84
Naging abala ang lahat lalo na sa paghahanda nila sa pagsugod nila sa Templar, ito ang naging desisyon nila ang umatake sa Templar bago pa man mahuli ang lahat, ang bawat isa sa kanila’y nakakaramdam ng kaba, nagpapakiramdaman at alam ng bawat isa na itong gabing ito maaring iilan na lamang ang matira at may mamaalam. Nakahanda na ang mga sandata nila at ang mga salamankang gagamitin.
“Hindi tayo tuluyang makakapasok sa mismong loob ng Templar, may tinatawag silang parameter at hanggang doon lang tayo, kami at ang grupo ni Nikita ang magdadala sa inyo sa pinakamalapit na hindi nila nalalaman,” paliwanag ni Sia sa harapan ng mga kasamahan nila ni Kalen at ang mga dating miyembro ng Templar.
“Magtulungan na tayo para matapos---” hindi natapos ang sasabihin ni Kalen nang magbuka
