Nagising ako na masakit ang ulo ko. Hindi kaagad ako nagmulat ng mga dahil masakit talaga. Napasapo pa ako dito ng biglang umalog ang kinahihigaan ko. Bakit naman aalog ang kama? Hindi kaya lumilindol? Pero hindi naman. Pansin ko na umaalog ito na tila nakasakay ako sa isang kotse. Hindi kaya nakasakay talaga ako sa kotse?
Saka ko lang naisip na nakasakay nga ako dito. Oo nga pala kasal ko ngayon at papunta na ako sa simbahan. Ikakasal na rin kami sa wakas ni Lei. Tapos honeymoon na susunod mamaya pagkatapos namin sa reception. Bakit kaya ako nakatulog? Mabuti nalang nagising ako. Baka nasira na make-up ko nito. Sayang kung masisira lang dahil nag-effort talaga ang make-up artist ko para maitago ang malaki kong eyebags at mga pimples kong tumubo sa pisngi ko. Nagtataka nga ako kung bakit
