Minsan Pa
AiTenshi
Part 19
"Congratulations Don, ang gwapo ng baby mo kamukhang kamukha mo," ang bati ko kay Don habang nakatayo kami sa viewing area para sa mga sanggol sa isang pambulikong ospital kung saan nanganak ang kanyang asawa. "Salamat pare, iba pala talaga ang pakiramdam ng maging isang ama. Tatay na ako at mamaya magpapa inom ako," ang masayang wika nito.
"Nga pala, napag-isipan mo na ba ang pangalan ng baby boy mo?" tanong ko sa kanya.
"Papangalanan ko siyang Arthur," ang sagot niya habang naka ngiti.
"Hmm, ipinangalan mo sa bilangguan ang anak mo?" natatawa kong tanong.
"Oo, siya ang ala-ala ng ating pagkakaibigan. Siya ang magpapaalala sa akin na ang buhay dito sa labas ay isang magandang bagay kaya't dapat ay mahalin natin ito. Masarap ang maging malaya, pero may ka
