Minsan Pa
AiTenshi
Part 36
Ilang linggo makalipas ang aking pag uwi, dumanas ako ng katakot takot na kalungkutan at kahit bumalik na ako sa pagtatrabaho ay ganoon pa rin ang aking nararamdaman. At makalipas ang ilang araw pa ay mas lalo pang nag-igting ang aking sakit nararamdaman noong makauwi na rin dito sa probinsiya sina Joem kasama si Carla dahil napag desisyunan daw nila na dito na lamang gawin ang kanilang kasal na magaganap sa susunod na linggo. Mukhang tumahimik na rin sa siyudad at kapwa na sila napaglayag para makauwi.
Noong una ay hindi ko lubos matanggap sa aking isipan ang sinapit ng aming relasyon kaya madalas akong mapag isa at nakatambay lamang sa tabing ilog. Ngunit sa pag lipas ng mga araw ay unti unti na ring nagiging magaan sa akin ang lahat, tama nga sila damhin
