“I WANT to eat.” Hinintay ni Zia na lingunin siya ni Kai mula sa kinauupuan nitong sofa kung saan ito nagbabasa ng magazine.
Pagdating nila sa bahay na iyon ng binata sa Woodrigdge Mansions, isa sa mga community na nakapalibot dito sa Club, nagkulong na siya sa silid na ibinigay nito sa kanya. Masama pa rin kasi ang loob niya sa mga sinabi nito kanina tungkol sa kanya sa harap ng mga kaibigan nito. Saglit na nawala lang ang init ng ulo niya nang mapagmasdan ang tanawin mula sa bintana ng kanyang silid. Makikita kasi mula roon ang magandang Taal Lake, sariwa pa ang hangin at luntian ang kapaligiran na halos napapalibutan na ng mga makakapal na puno. Balak lang talaga niya sanang matulog na lang muna para makapagpahinga nang maramdaman niya ang kalam ng kanyang sikmura.
Kaya napilita
