HINDI kinausap ni Angela si Azrael hanggang matapos siyang kumain. Hirap na siyang kumilos dahil sa kabusugan. Nang wala nang activities ay nagpaalam siya sa mga kasama. Hinatid naman siya ni Azrael sa kuwartong inuukupa nila. Bumalik pa ito sa venue dahil may gagawin pa umano.
Tamang-tama pagpasok niya ng silid ay tumunog ang kaniyang cellphone na nasa kaniyang bag. Kinuha niya ito at sinagot ang tawag ni Lyka gamit ang roaming number nito. Lumuklok siya sa gilid ng kama.
“Kumusta ang kasal?” tanong ni Lyka.
“Katatapos lang,” walang buhay niyang tugon.
“Hay, salamat! Kailan naman kayo uuwi ng Pilipinas?”
“May three days honeymoon pa kami ni Azrael.” Biglang tumawa si Lyka kaya nauurat siya rito. “What’s funny?” inis niyang tanong.
“Uhm, nothing. Naisip ko lang kung ano ang mangyayar
