TUMAKBO si Angela patungong kuwarto ni Azrael. Nanlaki ang mga mata niya nang madatnan ang kaniyang asawa na hinawakan ang itim na bote ng lason. Nag-leak ang lason at nabasa ang bulsa ng maleta na maliit. Nasira ang seal nito na idinikit niya sa takip.
“Wash your hands with running water!” sabi niya kay Azrael.
“Bakit? Ano ba ‘to?” tanong pa nito at akmang aamuyin ang likido na nasa kamay nito.
Maagap niyang hinatak sa kanang braso si Azrael at dinala sa banyo. Siya na ang tumutok ng mga kamay nito sa gripo at hinayaang mahugasan ang mga ito.
“Ano ‘yong parang tubig na nag-leak?” hindi maka-get over na tanong nito.
“Pamatay bacteria ‘yon sa gulay pero delikado kung direct mahawakan,” pagsisinungaling niya.
Ginawa niya ang lason na tinitira ang organs ng biktima sa tiyan. May antidot
