NANG mabayaran ang fishcake ay gumala pa sa ibang pasilidad ng hotel si Angela. Naingganyo siya sa mini amusement park ng resort kung saan merong iba’t ibang laparuan, meron ding shooting booth pero pellet gun ang bala.
Malaki pa ang sobra sa perang binigay ni Azrael kaya bumili siya ng tokens. Nilapitan niya ang batang lalaki na iyak nang iyak dahil hindi matamaan ng kuya nitong binatilyo ang target na stick ng barbecue. Gusto nitong makuha ang malaking laruang kotse na premyo sa makapatumba ng sampung stick ng barbecue.
Hindi makaintindi ng wikang Inglis ang magkapatid kaya puro action lang. Nakiusap siya sa crew na siya ang babaril para sa bata. Pumayag naman ito. May dalawang dipa ang layo ng target kaya talagang imposibleng mapatumba ng karaniwang tao na walang alam sa pagbaril ang
