Habang abala si Sebby sa anak nila ay hindi niya maiwasang pagmasdan ito. Nalulugod ang puso na makitang tanggap nito ang anak nila ngunit sa kabila noon ay ang pangamba. Mataman siyang nakatingin rito ng bigla ay tila gumagalaw ng kusa ang kaliwang kamay nito.
Bigla ay napuno ng pangamba ang dibdib na kanina ay nalulugod. "Miles!" ang nginig na tawag nito sa kaniya. Mabilis siyang lumapit at mabilis nitong binigay ang anak bago pa nito mabitawan.
"I'm sorry, sorry," paulit-ulit nitong paghingi ng sorry saka mabilis na hinawakan ng kanang kamay ang kaliwa upang pigilan sa unti-unting pag-atake ng sakit nito.
"May—may dala ka ba?" mabilis na tanong dito. Idagdag pa na biglang pumalahaw ng iyak ang anak nila.
Umiling si Sebby. Saka nagmamadaling umalis. "Sebby saan ka pupunta?" pigil pa
