MARAMI pa sanang ikukuwento si Martina kay Rona pero hindi na siya nakapagsalita nang dumating na si Dr. Rivas. Dalawang meeting din na hindi nagturo sa kanila ang guwapong doktor. May emergency daw itong duty sa malaking ospital sa kanilang bayan na pinagsisilbihan nito.
Kanya-kanya na silang puwesto sa silya habang nasa harapan na nila si Dr. Rivas. Nagsisimula na itong magbukas ng libro, habang umiikot ang attendance sheet sa mesa nila at isa-isa silang nagsusulat ng kanilang mga pangalan.
Nagsasalita na si Dr. Rivas, pero ang isip ni Martina ay umiikot pa rin sa estranghero niyang manunuyo. Hindi na siya mapakali. Nang bahagyang tumaas ng tinig ng doktor ay napakislot siya. Awtomatikong naibaling niya ang tingin kay Dr. Rivas. Ngayo'y nakatuon naman ang isip niya rito. Hindi niya ini
