Halos isang oras ding nakatulalala si Ivory dahil sa nasaksihan niya kanina. Kinailangan pa siyang samahan ni Sally sa kwarto ni Ivo para lang kumalma siya. Hindi niya na alam kung anong nangyari sa labas pero ang sabi ni Cindy noong hinatiran sila nito ng tanghalian ay wala na naman daw iyong mga nanggugulo at si Xamuel ay nasa opisina na nito, nagtatrabaho.
Doon lang siya nakahinga nang maluwag. Para siyang binunutan ng tinik nang marinig iyon.
Pabagsak siyang napaupo sa kama at napabuntong hininga. Nasa harapan niya si Sally at hinehele si Ivo.
"Okay ka na ba?" tanong nito sa kanya. Bahagya lang siyang ngumiti at tumango rito. Bumuntong-hininga si Sally at nginitian siya.
"Kumalma ka na. Wag kang mag-alala kasi hinding hindi naman kayo pababayaan ni Xamuel," anito. Bumuntong-hini
