LEO
Nanlumo ako ng mapatunayan ko sa video ang totoong dahilan ng pagkawala ng asawa ko. Nanginginig ang buong katawan ko sa matinding galit at pag-aalala para kay Yara na ngayon ay alam ko na nasa panganib ang buhay sa kamay ng kung sinong hudas na dumukot dito.
'Wag lang talaga na may mangyari na hindi maganda sa asawa ko dahil hindi ko kayang pigilan ang sarili ko na hindi sila patayin isa-isa.
Iniingatan ko ang asawa ko, para siyang reyna dito habang kasama ko tapos bigla na lang dudukutin sa labas ng bahay namin.
Lintik, hindi ko alam kung ano ang tumatakbo sa isipan ni Yara at umalis siya ng gano'n kaaga. Saan ba kasi siya pupunta at hindi n'ya man lamang ako ginising na lalabas pala siya?
Sana na samahan ko siya, sana hindi nangyari ang pagdukot sa kan'ya ng kung sinong ponci
