TAPOS NA ANG ranking tournament. Gumala-gala muna si Sonja sa paligid ng Stallion Riding Club at hinayaan na lang sina Sindy at Brye na mag-celebrate ng pagkapanalo ni Brye sa isa sa mga sport events doon. Nanghihinayang din kasi siya siya na hindi masulit ang pagpunta niya roon kung hindi niya masyadong malilibot ang lugar. Once in a lifetime experience pa naman ito.
Isa pa, gusto rin niyang makapag-isip-isip dahil sa naging reaksyon niya nang sumalang sa isang event si Rodjan kanina. Hindi niya matanggap na parang nag-cheer siya na manalo ito, at mag-alala sa kurimaw na ‘yon nang matalo. At ang paggala niyang ito, kahit di niya tanggapin sa sarili, medyo umaasa siyang makita si Rodjan somewhere down the road.
Huminto siya sa paglalakad at pinagalitan ang sarili. “Bakit ka mag-aalala s
