Chapter Eighty-three
"Balita namin ay may langaw na umaaligid sa relasyon ninyo ni Quiran." Seryoso si Tita Jas. Sanay ako na palangiti ito. Ngayon ay medyo naninibago ako.
"Mukhang inosenteng langaw po. Ang ganda po no'ng langaw---"
"Anong silbi ng ganda kung langaw naman?" si Tita Naz iyon na inosente sa pagkakatanong niya.
"Nazneen, hindi totoong langaw ang ibig kong sabihin. I mean babaeng umaaligid sa relasyon ng iba."
"Ah, pwede mo naman kasing sabihin na babae. May palangaw-langaw ka pa." Kahit sa pagrereklamo nito ay ang inosente at cute pa rin ng dating.
"Tsk. Si Fely. Iyong ex-girlfriend ni Quiran." Dineretsa na ni Tita Jas.
"Ex-girlfriend naman na iyon. For sure walang dapat ikatakot itong si Bituin na ini-legal sa lahat." Sinulyapan ko si Tita Mace saka kumindat sa aki
