34
Iniwanan ni Nathan ang apat sa presinto dahil may iba siyang pinuntahan, huminto siya sa isang sikat na karinderya sa bayan, maraming lumalabas at pumapasok doon para kumain o kaya’y bumili ng pagkain. Nakita niya agad ang matandang may-ari ng kainan na siyang nakita din niya sa labas ng State Haven noong nakaraang araw.
Masaya itong nakikipag-usap at nagtitinda, pero nang sumulyap ito at makita siya nawala ang ngiti nito at napalitan ng pagkagulat, hindi na niya inaksaya pa ang oras at pumasok siya sa loob, may iilang bumati sa kanya dahil sa kanyang suot na unipormeng pang pulis, may ilan naman nakipag-ngiti lang sa kanya.
“Officer napadalaw kayo,” aniya nito sa kanya ng matanda, halata sa boses nito ang panginginig.
“May mga bagay lang naman akong kailangan asikasuhin aleng Mart
