Vicente
“Susme!” sigaw ko matapos mawalan ng balanse sina Benson at Patricia nang tawagin ko sila. Subalit bago pa man sila lumapat sa mabatong lupa ay kabigla-biglang nabanaagan ko ang kanilang kisap-matang paglalaho.
Animo’y hinigop sila ng butas na may usok sa paligid. Saan kaya sila napunta? Noong mga oras na iyon alam kong nagpadpad sila sa ibang panahon ngunit hindi ko alam kung saan. Sana sa panahon nila sila napunta. Sana nakabalik sila. Muli kong ibinalik ang paningin ko sa paligid upang mawala ang pag-aalala.
“Ano ang maari kong gawin dito?” tanong ko sa abandonadong bahay.
“Anong dahilan at dinala mo ako rito?”
Walang anu-ano ay inukupa ng mahal kong si Solidad ang aking isip, na naging dahilan upang magtulak sa akin na puntahan ang kanilang bahay. Hindi para kausapin si
