ABALA si Janicah sa pag-de-design ng mga bulaklak sa kulay puti na flower vase. Na-miss niyang gawin iyon at kay sarap pa rin talaga sa pakiramdam na makapag-design siya ng mga bulaklak sa plorera.
Nagpakuha lang siya ng mga bulaklak kay Mang Roberto sa flower farm. Nagbigay lang siya rito ng listahan ng mga bulaklak na kakailanganin niya.
Sa may lanai siya nag-aayos ng mga bulaklak. Pinakikisuyuan naman niya ang isang kawaksi, na nakaantabay sa kaniya, sa paglalagay ng mga vase sa iba’t ibang bahagi ng mansiyon.
Napatigil lang sa ginagawa si Janicah nang makarinig siya ng pagtikhim. Nang mag-angat siya ng tingin ay si Vince Silastre ang nakita niya. Para bang may gusto itong itanong. Pero naroon ang pag-aalangan.
“Bakit?” aniya rito.
Namulsa si Vince. Tipong undecided kung magsasalit
