“Anak! Diyos ko, kanina pa kami alalang-alala sayo. Umiiyak na tumawag dito si Dianne, ang sabi nawawala ka daw kung saan-saan ka na daw hinanap.” wika ng kanyang Itay ng salubungin sila nito.
“Tay, ang b-baby ko po.” parang batang nagsusumbong siya sa kanyang Itay.
Inalalayan siya nito sa pagbaba at agad siyang yumakap dito, humagulhol siya ng sobra. Hindi rin pala niya kayang magpanggap sa kanyang ama na matigas siya. Na hindi siya iiyak sa harap nito.
Pakiramdam niya ay siya si Eva na paslit na umuuwing umiiyak dahil sa nadapa o kaya ay inaway ng kanyang mga kalaro.
Palagi naman noon na naghihintay ang bisig ng kanyang Itay para yakapin siya at patahanin. Pero ngayon, seryosong problema na dahil ang kanyang baby na hindi man lang nabigyan ng pagkakataon na mabuhay.
Ang masakit
