NAGISING si Yana na nasa loob siya ng isang sasakyan. Nakahiga siya sa may backseat at nasa ibabaw ng kanyang katawan ang isang itim na jacket.
Dahan-dahan siyang umupo at saka tumingin sa kanyang paligid. Nakita ni Yana si Acer na nasa driver‘s seat at mahimbing na natutulog.
Tumingin siya rito at saka niyakap ang jacket ni Acer na hawak niya. Naamoy niya ang mabangong scent ng perfume na gamit nito. Pakiramdam niya yakap-yakap na rin niya si Acer.
Bumuga nang malalim si Yana bago tumingin sa bintana ng sasakyan. Naroon pa rin sila sa parking lot ng Tiramuko Club. Minabuti marahil ni Acer na hindi na mag-drive dahil pareho silang nakainom.
Sinulyapan niya si Acer bago magpasyang lumabas ng sasakyan nito. Maingat niyang binuksan ang pinto at saka isinara iyon nang dahan-dahan.
Tumingi
