"Are you ok?" Tanong sa kanya ni Dylan nang makarating na sila sa Saavedra Santillan Hospital. Tahimik lang kasi siya buong biyahe. Masyado siyang maraming iniisip.
"Yeah," tipid na sagot niya at nauna na sa pagbaba ng sasakyan sa asawa. Hindi na niya hinintay na pagbuksan siya nito ng pintuan. Kanina kasi nakaalalay pa ito sa kanya hanggang sa pagsakay niya sa passenger seat.
Ginala niya ang malaking parking lot sa basement ng ospital karamihan ay mga mamahaling sasakyan.
"Dr. Santillan."
May narinig siyang tumawag sa asawa niya. Napalingon siya kay Dylan na nakababa na ng sasakyan. Isang matangkad na lalake at gwapo ang tumawag sa asawa niya.
"Mr. Gael Saavedra," narinig niyang tawag ng asawa sa gwapong lalaking papalapit sa kinatayuan nila. Nalipat ang tingin ng lalake sa kanya n
