"Sino ka sa tingin mo para sumunod pa ko sa iyo! Baka nakakalimutan mo Dylan na para mo kong basurang pinatapon sa malayo, para lang hindi ka mapahiya! Ayaw mong may makaalam na pinagkasundo ka ng lolo mo sa isang anak ng kasambahay na ni wala pang sapat na edukasyon! Para mapakuha mo ang malaking Villa na iyon ay binola-bola mo ang batang puso ko hanggang sa mapasunod mo ko!" Mahabang litanya niya.
Nararamdaman niya ang pamumuho ng kanyang mga luha, at pag init ng pisngi. Pero hindi siya iiyak. Kailanman ay hindi siya iiyak sa harap ng lalaking ito, hindi iiyak sa harap ng lalaking minsan niyang minahal at ni katiting na pagmamahal ay wala siyang natanggap mula rito. Puro panggagamit lamang.
"Sa simula palang tinanggi ko nang ibigay sa iyo ang katawan ko. At lalo ko itong itatanggi sa
