"You mean, kayo lang ni Hannah ang tao diyan sa Villa?" Tanong sa kanya ni Jeff.
Tinawagan niya agad ang kaibigan kanina, para ibalita na may progress na ang mga ginagawa niyang pagsuyo sa asawa, lahat naman ng nangyayari sa kanila ni Hannah, binabalita niya ka Jeff, ang kaibigan lang kasi ang napagsasabihan niya tungkol sa namamagitan sa kanila ni Hannah.
"Yes, pare," tugon niya sa mababang tinig saka sinulyapan ang pintuan palabas ng pool area, baka kasi palabas na ang asawa at marinig nito na pinag-uusapan nila ito.
Nasa pool area na siya at hinihintay na lang ang pagbaba ni Hannah para mag swimming silang dalawa. Naghanda na rin siya ng mga prutas at juice na snacks nila habang lumalangoy.
"Take that apportunity pare, huwag mong sayangin ang isang linggo na masosolo mo ang asawa m
