MAS higit na maraming nasasabi si Renzo kumpara kay Lhorde. Iyon ang naobserbahan ni Raven habang kumakain sila ng tanghalian.
“Noong una, dito kumakain si Lhorde. Sabi ko sa kaniya, ang boring naman. Sa cafeteria kasi ako noon,” pagkukuwento pa ni Renzo kay Raven. “Kaya nagulat ako nang doon na rin siya kumain. Sumasabay siya sa akin. Lakas ng trip niya, ‘di ba? Binibiro ko lang naman siya noon.” Napatawa pa si Renzo sa alalahaning iyon.
“Renzo, you talk to much.”
Pero hindi nakinig si Renzo kay Lhorde dahil nagpatuloy pa ito. “Pero simula ngayon, dito na ulit siya kakain. At sasamahan mo siya rito, Raven.”
“Renzo,” saway na naman ni Lhorde.
Bumaling si Renzo kay Lhorde. “Lhorde, hindi mo pa ba nasasabi sa kaniya?”
“Paano ko pang sasabihin kung napakadaldal mo?” ani Lhorde bago sumu
