SEVENTY FIFTH birthday ng araw na iyon ng lolo ni Lhorde sa kaniyang father side. Kahit ayaw niyang dumalo ay wala naman siyang pagpipilian din. Dahil kailangang naroon siya. Hindi na nga nakadalo ang mga magulang niya, pati ba naman siya ay mawawala rin?
Halos lahat yata ng mga prominenteng tao sa bansa ay naroon nang gabing iyon. Sa Quinery Castle idinaos ang kaarawan ng kaniyang lolo.
Habang nakaupo sa isang silya ay iisang tao lang ang naaalala ni Lhorde sa lugar na iyon. Napabuntong-hininga pa siya nang muling maisip si Raven.
Tiningnan niya ang oras sa kaniyang relo. Alas-nuwebe na ng gabi. Baka tulog na ang dalaga ng mga sandaling iyon. Ganoon pa man ay sinubukan pa rin niyang tawagan si Raven sa kaniyang gamit na cell phone.
Ngunit akmang mag-da-dial siya nang may maupo naman s
