ARAW ng Sabado nang maisipan ni Raven na pumunta sa kabayanan na palagi niyang pinupuntahan noong wala pa siya sa Ellison University.
Huminga siya nang malalim para punuin ang kaniyang baga ng sariwang hangin habang naglalakad sa isang sidewalk na nalililiman ng malalagong puno.
Parang kailan lang, naglalakad siya roon na may hila-hilang rolling basket na may mabigat na laman. Napatingin tuloy siya sa kaniyang kamay na grabeng pagod din ang dinanas sa kamay nina Patricia at Olivia.
Dumiretso siya sa isang parke. Doon ay naupo siya sa isang bench. Saktong namamahinga naman siya roon nang mag-ring ang phone niya. Kahit hindi niya tingnan, sino lang ba ang tumatawag sa kaniyang numero?
Wala namang iba kung ‘di si Lhorde lang.
Last minute bago matapos ang pag-iingay niyon nang sagutin niy
