“MAE.”
Si Donna ang nalingunan niya. “Yes, Chief?”
“I’ve read your submitted article about Rafael dela Merced. I like it. No, I love it. Siguradong matutuwa rin ang mga readers natin once na nailabas na sa market ang issue ng magazine kung saan included ang article mo na iyon. By the way, nasa feature article section ang sinulat mo.”
“Oh, thanks.”
“‘Yan lang ang reaksyon mo? Nasa feature article ka na. Pangarap iyon ng lahat ng writer ng magazine natin. Or lahat ng magazine writers, for that matter.”
“Mas gusto kong malaman kung magkano ang bonus na makukuha ko.” Dahil naba-badtrip siyang isipin na maraming babae ang pagkakaguluhan si Rafael, salamat sa magazine article niya. Ang dami pa namang magagandang shots ang binata na nakuha niya sa isang linggo niyang pagbuntot-buntot dito.
