ITO ang araw na pinakahihintay nina Gabriella at Cedric. Ang kanilang engrandeng kasal. Garden wedding ang kanilang kasal at napakaraming dumalong mga mayayaman sa lipunan. At mahigpit din ang security ng Mansiyon laban sa mga insider na kalaban. Tumugtog ang isang malamyos na awiting pangkasal habang nagsisimula nang maglakad ang entourage. Mga abay at mga kasali pa sa seremonya. Hanggang sa nagmartsa na rin si Cedric patungo sa harapan ng paring mangkakasal sa kanila ni Gabriella. Halos puro mamahaling bulaklak ang dekorasyon sa paligid, nagmistulang paraiso ang kabuuan ng Mansiyon.
Sumunod si Gabriella na nagmartsa sa suot niyang mamahaling wedding gown. Nagniningning ang mga mata nito at nag- uumapaw sa kasiyahan ang kanyang nararamdaman. Nangingibabaw din ang kagandahan nito na bagay
