FREYAH POV.
MIDNIGHT
Bigla akong nagising dahil sa kakaibang pakiramdam. Pagmulat ng aking mga mata, agad kong nasilayan, sa malamlam na ilaw ng lampara, ang isang pigura, nakatayo ilang hakbang mula sa gilid ng aking kama.
Mabilis akong luminga sa kabilang panig, naalala ko si Gillian… o Archie. Napanatag ako nang makita kong naroon pa rin siya, nananatiling nakahiga.
“Anong nais mong malaman, at tinawag mo ako gamit ang isipan mo? Pakibilisan mo na rin magsalita, ayaw kong magtagal sa silid na ito, lalo na’t may taong lobo rito,” suplada niyang pahayag. Maikli ba talaga ang pasensya ng isa kong katauhan?
“Hey! Babangon ka ba d’yan, o aalis na ako?” dagdag pa niya, iritado ang tono.
“Heto na, babangon na ako,” sagot ko habang dahan-dahang tumayo. “May gusto lang akong malaman… tungk
