CHAPTER 61:
YAKAP AKO NI Mama at Papa nang matulog kami ng gabing iyon. Hindi ko sinabi sa kanila ang problema ko, hindi na rin naman nila tinanong at kahit na hindi ko sinabi sa kanila ang problema, gumaan ang pakiramdam ko.
Pumasok akong hindi na namumugto ang mga mata. Nawala iyon, ipina-cold compress ni Mama ang mga mata ko bago matulog. Natawa pa nga ako dahil akala ko’y hindi iyon eepekto, pero kinabukasan ay nawala nga talaga.
“Kumusta ang pakiramdam mo?” tanong ni Kate habang abala ako sa pagbabasa ng script na ibinigay ng writers.
I shrugged. “Okay naman na. Salamat sa suggestion mo na umuwi muna kila Mama, okay na ako ngayon.”
Tinapik niya ang balikat ko. “Kailangan mo lang talaga ng kasama sa bahay dahil nakakalungkot sa bahay mo kung mag-isa ka.”
Tumango ako at sinimulan
