KASALUKUYANG NASA HARAPAN ng laptop si Naarah nang pumasok ang asawa sa silid nila. May dala itong baso na may lamang alak. Nagbaba siya ng tingin sa anak, kakatulog lang din ni Zale sa tabi niya. Hindi pa niya nililipat sa higaan nito dahil may ginagawa pa siya.
“Kanina pa diyan, babe,”
“Tinatapos ko lang. Alam mo namang wala ako sa opisina kanina.”
Nilapag ng asawa ang hawak nitong baso sa mesa at dumapa sa tabi ng anak nila.
“Habang lumalaki ang anak natin, nagiging kamukha mo siya, babe. Boy version mo,” nakangiting sabi nito.
Tumigil siya sa pag-scroll sa excel. “Kung sino kasi ang madalas niyang kasama, ‘yon daw ang nagiging kamukha ng bata. Dahil ako ang kasa-kasama niya sa loob ng isang taon, talagang ako ang magiging kamukha niya. Tikis pa more!” Sabay ingos niya dito.
“Hin
