Eviane's P. O. V.
Nagising ako nang marinig ko ang tunog ng pagsarado ng pinto. Dahan-dahan kong minulat ang mga mata ko. Napaangat ako ng aking kamay at napansin kong mayroong plastic tube na nakasaksak sa likod ng palad ko.
"Eviane, gising ka na. Kakaalis lang ni Doktora," sabi ni Bryan at kumuha ng upuan para tabihan akong nakahiga sa hospital bed.
"Anong nangyare? May sakit daw ba ako?" nanghihina kong tanong.
Tumingin si Bryan sa mga mata ko at ngumiti, ngunit alam kong pilit lamang ang mga ngiting 'yon kaya napakunot ang noo ko at nagtataka sa kaniyang inaasal.
"Bryan, anong sabi ni Doc?" muli kong tanong.
"Eviane, buntis ka."
Nanlaki ang mga mata ko. Napaawang ang labi ko, pakiramdam ko ay sasabog ang puso ko sa sobrang lakas ng pagtibok nito. Hindi ako makapaniwalang may bu
