Special Chapter Four
ARAW NG KASAL
LEO
“BRO, ito na ang araw na iyon,” tinapik ako ni Macky sa balikat habang naghihintay kaming dumating ang mga dadalong bisita sa simbahan.
Si Macky ang aking Best Man at nauna na kaming dumating dito sa simbahan bago pa man dumating ang mga dadalo sa kasal naming dalawa ni Lara.
Alas cuatro ng hapon ang oras ng kasal at ito ang oras na pinakahihintay naming dalawa na mangyari sa aming buhay – na sa wakas ay wala nang kahit anong makapaghihiwalay sa aming dalawa.
Isa isa na ring dumating ang mga bisita. Kompleto ang pamilya, ang barkada at ang lahat ng mga piling taong dadalo sa ming kasal.
Hanggang sa handa na ang lahat at si Lara na lang ang wala. Hindi ako mapakali sa harapan hangga’t hindi bumubukas ang pintuan at mailuwa nito ang babaeng aking
