Hindi naman siya nawala sa isipan ko. Para sa akin, siya pa din ang best friend ko. Siya ang unang babaeng tumanggap sa ugali ko, sunod si Ranna.
Mas lalo pa siyang gumanda ngayon. Parang kailan lang, mga batang babae lang kami na walang alam sa buhay. Ang alam lang namin ay maglustay ng pera ng aming mga magulang, magbigay ng sakit sa ulo sa kanila, at higit sa lahat, maglaro ng ganda-gandahan. Pero maganda naman talaga kaming dalawa.
"Alam mo ba na napakalaki ng na-contribute ko na views sa YouTube channel mo?"
Natawa ako, kahit pa nakasimangot siya sa akin ngayon.
"Ang dami ko na ding comment sa mga videos pero ni isa, wala kang reply."
"Sorry..."
"Akala ko nasa abroad kayo ng Mommy mo. Akala ko maayos lang ang buhay mo all these years. Not until, nagsimulang maglabasan ang m
