Episode 15
FATHER AND SON
Kendra
Napayuko ako nang lumabas sina Don Enrico at Doña Margarita mula sa isang kwarto papunta sa sala. Nakaupo naman ang anak ko sa tabi ko at nakasiksik sa tagiliran ko.
Parang hindi ko sila kayang tinginan, nahihiya ako na hindi ko maintindihan. Mas nahihiya ako sa kanila kaysa kay Enrique Gabriel.
“Mama, uwi na tayo.” Humigpit ang yakap sa akin ni Ken kaya hinimas ko ang mga braso niya para maalis ang kanyang takot.
“Mabait sila.” Sabi ko sa kanya. Alam ko kasing hindi naman mga matapobre ang mag-asawa at mga edukado silang tao kaya hindi sila basta-basta nagsasalita ng masasakit at nakakapagpababa ng dignidad ng tao.
“Oh Kendra, is that you, really hija?” Tanong ng matandang babae at saka naupo sa harapan ng kinauupuan ko.
Nag-angat ako ng panin
