***** JELLA *****
“HOW is she, doc?” tanong ni Ryver nang lumabas sa kuwarto ni Lovi ang doktora na kinuha pa ni Jig sa bayan upang tumingin kay Lovi. Kahit kasi namimilipit sa sakit sa tiyan si Lovi ay ayaw magpadala sa ospital. Ang dahilan ni Lovi ay mawawala rin naman daw ang sakit. Gusto talaga nitong dumalo sa event sa kabila ng matinding sakit na nararamdaman. Kanina’y nagsuka pa ito.
“She’s okay now. But she fell asleep because of the medicine I gave her,” sagot ng doktora.
Tumango-tango si Ryver. “Anong cause ng pananakit ng tiyan niya, doc?”
“Ganoon pa rin. Dahil sa kanyang ulcer.”
Napahilamos sa mukha si Ryver nang marinig iyon. Tapos ay tumingin kina Jig at Nana Romina.
“Ilang beses namin siyang pinilit na kumain pero ayaw niya talaga. Sabi niya ay gusto niyang sexy nga
