GEORGE
BAHAGYA kong kinusot ang aking mga mata nang maalimpungatan ako. Marahan akong bumangon ngunit ganoon na lamang ang aking pagtataka nang hindi ko makapa sa aking tabi si Grant. Napabalikwas ako ng bangon saka agad inilibot ang aking mga mata sa kabuuan ng silid upang hanapin kung nasaan ito. Ngunit walang kahit anong bakas ng lalaki.
Inabot ko ang aking cellphone mula sa aking bag na nakapatong sa ibabaw ng maliit na lamesa sa aking gilid upang tingnan kung anong oras na. Kalat pa ang dilim sa labas na indikasyon na malalim na ang gabi. Nang tingnan ko ang aking cellphone ay natiyak kong mag-aalas dose pa lamang ng madaling araw. Ilang oras din pala akong nakatulog. Nagising lamang ako sa bahagyang pagkalam ng aking sikmura.
Nang tuluyan akong bumangon mula sa kama ay saka ko lam
